كوورة

تمتع بــ عالم الرياضة معنا


    كشتت أعضاء منتديات koora2.ahlamontada(جديد)......

    شاطر
    avatar
    أعــ(جنونك)ــشق
    مشرف
    مشرف

    عدد الرسائل : 327
    تاريخ التسجيل : 18/11/2007

    كشتت أعضاء منتديات koora2.ahlamontada(جديد)......

    مُساهمة من طرف أعــ(جنونك)ــشق في الثلاثاء 04 ديسمبر 2007, 2:42 pm

    بسم الله الرحمن الرحيم(( إخواني وأخواتي الأعضاء))
    لأحد يزعل علي وان هذه القصة
    من نسج الخيال وغير صحيحة ولكن من مواضيع(الصرقعة)
    (كشتت أعضاء المنتدى)
    قرر ذات يوم مدير عام المنتدى (maldini) لقضاء عطلة نهاية الأسبوع لكشته في البر واتفقنا على الذهاب إلى الصمان وقام المدير العام ونائبه بتقسيم الأغراض على الأعضاء وكان من مهام كل عضو كالتالي:
    c.ronaldo /عليه أغراض الطبخ لحبة للأكل .
    وابويعــ(النصراوي)ــقوب/ علية عزبة القهوة والشاهي
    وTOTTI 10/الخيمة وترامس الماء
    yaser 20/جاب الماطور صح انه قديم بس سوى شئ وجاب بعد الأنوار
    kriesty7/جاب الفرشات والمراكي
    SS 2008/قام يصرف لان أهله ماخلوه يروح وقال أن عندنا عشاء الليلة قلنا معلية
    رونـــ10ـــي/جاب أغراض الغسيل والبنزين(حق الماطور)
    kriesty7 w و بردوق الصندقان / جابوا لنا سيارات السواقين حق أهلهم (فانات عائلية) سيارتين طبعا
    Dahbosh/طبعاً الدليل حقنا (الله يخلف) ضعنا كم مرة بس ربك لطيف فينا
    البرنس/بحكم أن أهلها يحبون القنص جابت البندق والرصاص.
    رونالدو محمد-وماجد-وهزني الشوق/عليهم بناء الخيمة والإشراف على القطة اللي مستلمها رونالدينهو 10
    رونالدينهو 10 و maldini/متكين ويأمرون علينا حنا يالضعووف مع أنهم مايفهمون في الطلعات شيء
    وأصلاً إذا طلعوا من بيتهم راحوا للتحلية...بس راحوا معنا الله يعين ..
    طبعاً وصلنا هناك عصر الأربعاء وبنينا الخيمة وشغلنا الماطور مع أذان المغرب طبعاً
    يشتغل ساعتين ويطفي ربع ساعة(قديم وخربان)
    والنقوم البنت النشبه بالضبط وقت العشاء وقامو الشباب اللي يلعب بلوت واللي يلعب كيرم طبعا الكيرم جابه
    اخو c.ronaldo الصغير (مشعل)مع أن عمره 4 سنوات بس وش نسوي مانقدر نقوله لا خوينا
    واللي يلعب كوره المهم خلص العشاء وسمينا بالرحمن نبي نتعشى المهم العشى كله ملح لييية
    (البرنس حط الملح وجت بعدها kriesty7 w ماتدري وحطت الملح مرة ثانية)
    المهم قام الواحد منا يشرب في الموية لين طلعت من حلقة بسبب الملح الزائد والله يعين وقلنا
    يالله مش الوضع الدعوة رحلة
    المهم البنت لها خيمة لحالها والشباب لهم خيمة لحالهم وطبعاً الماطور لك علية
    كل ماطفى الماطور نسمع kriesty7 w تبكي لأنها تخاف من الظلام
    طبعا أزعجنا البرنس هو وجواله الباندا ليته ماجابه معه كل شوي
    يشغل أغنية (شاطر شاطر) لنانسي عجرم وعلى هالحال طوال الليل
    المهم فــــهــــودي وc.ronaldo وmaldini طقوا في العشى ومادروا عن الملح الزائد وأذنك
    ماتسمع إلا شخيرهم
    طبعاً جلست إنا وTOTTI 10وyaser 20 وابويعــ(النصراوي)ــقوب نلعب بلوت
    وراحوا العيال و..... الباقين يصيدون الجرابيع (ثلاث ساعات ولاجابوا إلا واحد ) ليه ؟سواقتهم
    kriesty7 w بها النظارات تبغى تدعسهم كم مرة بس ربك لطيف فيهم
    المهم رجعوا ونمنا ويوم جت الساعة 5:30 الصبح جاء يقومنا c.ronaldoلأنه نام بدري
    وفي جواله برنامج الصلاة ولاتعرف يصحي إلا بالماء الله يعيين وقام بردوق الصندقان يضبط
    الفطور لأنه مانام تدرون ليه (يخاف من الظلمى) ولا نام إلا بعد الفطور والساعة 9 الصبح
    قام ابويعــ(النصراوي)ــقوب وTOTTI 10 : قالوا بنرووح نجيب حليب ابل من واحد كان جنبنا راحوا وجابوا ماقصروا
    قاموا الشباب وشربوا من حليب الابل تعرف مالهم ومال الابل متعودين على الصافي والمراعي اللي قام
    يمغصه بطنه (نفس حال الممثل ناصر القصبي في مسلسل طاش (الهدباء))...المهم جاء الظهر وقامت
    kriesty7 w من النوم وقامت تضبط الغداء وماقصرت ضبطته والملح كان زين.
    وجابت kriesty7 w البندق والرصاص وقالت يالله بنرووح نصيد حمام هذا الكلام بعد العصر طبعاً
    وراحوا يصيدون 3 ساعات وأخرتها عصور واحد فقط......
    المهم جاء المغرب وصلينا وقعدنا نسولف عن المنتدى وعن حال هالدنيا..الين صلاة العشاء
    وصلينا طبعاً وجاء دور kriesty7 في تضبيط العشاء وماقصر بس كان العشى قليل
    لأنها مادر عن c.ronaldo الله يعطيه العافية هو وأخوة يأكلون أكل ماشاء الله عليهم
    المهم تعشينا وقلنا يالله اللي يبي يلعب واللي يبي يرووح يصيد جرابيع ..
    طبعاً اتصل على فــــهــــودي جاي مع الخط هو وسيارته (فولكس فاجن)على باله رايح
    للتحلية مادرى انه رايح للصمان المهم مشى الظهر من عند أهلة ماجانا إلا الساعة 10 الليل
    المهم جاء الرجال ولابس برموودا وتي شيرت والايبود في أذنه على باله رايح للمملكة
    المهم جاء وتعشى معنا طبعاً وقام TOTTI 10 بيسمع أغنية من الايبود ورفض فــــهــــودي ( ياااااي ) هههههه
    يخاف إن الايبود يخرب ويتعذر بالتراب (ياعمري)وقام بياخذه غصب وقام ميشو يبكي طبعاً
    وتدخل maldini بصفته المدير العام وأنهى المسالة المهم قعدنا الين الساعة 12 الليل
    وسمعنا صوت الذيب ((الكلب حق جيرانا اللي عندهم غنم جنبنا) وانتم بكرامه )قال فــــهــــودي والله مرقد ألا في سيارتي
    وسيارته لو يركبونها اثنين اختنقوا من نقص الأكسجين (باب واحد) المهم قلنا بكيفك نام في المكان اللي تبي
    المهم بردوق الصندقان الضعيف مانام وكان يسلي نفسه بالألعاب اللي في جواله وكل ماخلص بطارية الجوال .. ماخلى جوال الا واخذ بطارريته
    اخذ بطارية ثانية منا لين قضت على بطاريات جوالاتنا (طبعاً ماجبنا شاحن السيارة نسيناه)وبقينا بدون جوالات
    المهم جت الساعة 5 الصبح من يوم الجمعة وقامت kriesty7 w الله يجزاها خير وقامت تصحينا واحد
    واحد (بالماء البارد) المهم قمنا وصلينا وأتقهوينا وأفطرنا وقمنا نشيل الأغراض عشان نبي نمشي للرياض
    وعدنا إلى الرياض سالمييين غانمييين
    وبقى فــــهــــودي نايم في سيارته مدري متى جاء ........

    وآسف إذا أخطيت على أحد بدون قصد مني..أو نسيت أحد من الاعضاء لم أذكر اسمة
    وتقبلوا خالص تحياتي واحترامي,,,
    وأوعدكم بطلعة في الأيام القادمة أفضل من هذه الطلعة...... cheers


    _________________


    avatar
    kriesty7 w
    مشــــــــرفــه
    مشــــــــرفــه

    عدد الرسائل : 814
    العمل/الترفيه : طــــــالبــهـ...
    المزاج : فاصله ومواصله
    تاريخ التسجيل : 22/11/2007

    رد: كشتت أعضاء منتديات koora2.ahlamontada(جديد)......

    مُساهمة من طرف kriesty7 w في الثلاثاء 04 ديسمبر 2007, 3:18 pm

    kriesty7 w و بردوق الصندقان / جابوا لنا سيارات السواقين حق أهلهم (فانات عائلية) سيارتين طبعا

    (البرنس حط الملح وجت بعدها kriesty7 w ماتدري وحطت الملح مرة ثانية)

    المهم البنت لها خيمة لحالها والشباب لهم خيمة لحالهم وطبعاً الماطور لك علية
    كل ماطفى الماطور نسمع kriesty7 w تبكي لأنها تخاف من الظلام
    طبعا أزعجنا البرنس هو وجواله الباندا ليته ماجابه معه كل شوي
    يشغل أغنية (شاطر شاطر) لنانسي عجرم وعلى هالحال طوال الليل

    kriesty7 w من النوم وقامت تضبط الغداء وماقصرت ضبطته والملح كان زين.
    وجابت kriesty7 w البندق والرصاص وقالت يالله بنرووح نصيد حمام هذا الكلام بعد العصر طبعاً

    ههههههههههههههههههههههههههههههـآآآآآي

    أمّــــــــــــــــا حــــــــركات الكشته

    واول مره اسمع انه انا اخاف من الظلمه بالعكس هههههههههه

    << قولي قصم

    والله احلى كشته طلعتها معكم

    يسلمو ع الكشته يابو الشباب

    تقبل مروري
    .
    .
    .
    avatar
    رونالدينهو 10
    المديــر العــام
    المديــر العــام

    عدد الرسائل : 1569
    تاريخ التسجيل : 01/12/2007

    رد: كشتت أعضاء منتديات koora2.ahlamontada(جديد)......

    مُساهمة من طرف رونالدينهو 10 في الثلاثاء 04 ديسمبر 2007, 5:27 pm

    مشكور ويعطيك العفاية
    avatar
    TOTTI 10
    المديــر العــام
    المديــر العــام

    عدد الرسائل : 1516
    العمر : 29
    الموقع : www.koora2.ahlamontada.com
    المزاج : رايـــق ولايـــق
    تاريخ التسجيل : 27/10/2007

    رد: كشتت أعضاء منتديات koora2.ahlamontada(جديد)......

    مُساهمة من طرف TOTTI 10 في الثلاثاء 04 ديسمبر 2007, 6:04 pm

    خخخخخخخخخخخخخ

    اما انا علي اجيب الخيمه والترامس

    واروح اجيبلكم حليب ابل

    خخخخخخخخخخخخخخخخخخخخخخخخ

    الله يرجك ويصلحك يالعاشق

    ...........................

      الوقت/التاريخ الآن هو السبت 25 نوفمبر 2017, 12:28 am