سلاااام
عندي قصه اليوم .. واعتراف بريئ
وطبعاً اللي بيسوي فيها رقيق والا رقيقه .. يقلب وجهه من الحين <<< الله من زين الاسلوب ..
*
*
انا مشكلتي في حياتي البزران(الورعان)
.. وخصوصاً اذا صاروا نشبات ..عندي ولد اخوي .. الله لا يوريكم .. الظاهر راضع مع ابليس ..
كل شي حاط عينه عليه .. هوايته صناعة الخطر .. وتضيع وجهها <<<
*
*
تعرفون سعد شداد اللي فاز بالميداليه الذهبيه ...
ولد اخوي اسرع منه .. بس متى ؟؟؟
قولواا متى ؟؟؟ <<< جاوب وانت ساكت
اذا شاف اللاب توب مفتوح .. وخصوصاً اذا صار جهازي .. بسم الله ما ادري الا وهو طاب على الكيبورد ..
تعبت انا من هالحاله عمري ماتهنيت بالنت منه ..
مره خليت نافذه من المسن مفتوحه .. مع واحد من أخوياي....
وارجع والقاه معلق على حرف .. سسسسسسسسسسسسسسسسسسس
المشكله ان خويي يحسبني اتعمد اسوي هالشي .. عشان اقهره .. وكنا تونا متناقشين على سامي الجابر .. وانا احط سسسس .. عناد فيه
رجعت اكلم الرجال. .. واناديه ما عطاني وجه
وطلعت من المسن .. ارسلت لها رساله وقلت لها الموضوع ..
طبعاً بما انه صديقي .. فأكيد انه طبع النذاله يجمع ما بيننا
شفته اون لاين من بكرا .. وعطاني نصيحه ..لن انساها مهما حييت <<< حييت
عطاني صوره .. وقال حطها خلفيه لسطح المكتب .. وهذا وجهي .. ان قرب ولد اخوك مره ثانيه ..
حطيت الصوره .. ومن القراده .. ولد اخوي ذاك اليوم لاهي بجوال امه الجديد .. واحتريه يجي .. وارز الجهاز بوجهه .. ماجاء
قلت مافيه الا حل واحد .. اشغل اغنية شخبط شخابيط
من سمع صوتها وهو داااااعس ..
هو قرب من اللاب توب .. ورجع مية متر ورى من الروعه ..
قعد يصيح .. ومانام ذيك الليله .. امه تقول وش جاء ولدي .. وانا اقولها اقري عليه يمكنها عين <<< كلش ينحط بالعين
وهذه التجربه مر عليها اسبوع .. والولد حرم يقرب جهازي
تبون تشوفون الصوره
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
*
للفائده
